浪．居酒屋 (已結業)

4個女人相約銅鑼灣搵食！係Openrice度搵到呢間居酒屋，網評好似唔錯就Book位試下！去到地方好寬敞！店員好熱衷咁推介是日刺身精選同日本酒精選！我地叫左支愛宕之松有汽清酒，味道甜甜好易入口，岩女生飲用！龍蝦蟹子沙律：用紫菜包住食，唔算太特別。明太子玉子燒：玉子甜度適中，配上少少咸明太子岩岩好！關東煮：第一碟勁咸…唯有叫店員換過…之後就岩岩好，如果個湯再熱D就更加好！味淋雞泡魚干：同出面一般居酒屋食到既冇乜分別。燒花魚：本以為係一夜干果D魚…點知唔係果回事！都幾大條同厚肉，味道不錯！檸檬帶子醬油刺身：每片帶子都有片薄薄既青檸夾住，令到帶子味道再清爽啲！燒魷魚：岩岩送到黎好香！燒到岩岩好！唔乾！美國和牛壽喜燒Set：估佢唔到咁大鍋！湯底冇過甜，4片和牛雪花岩岩好！入口即溶！總括嚟講，唔錯！可以再encore！