影片
更多
2025-05-23
0 瀏覽
The Starred今次要介紹一間喺筲箕灣樂融軒地下有一間西餐廳叫「The Starred」，呢間餐廳最初以為門口有一級，後來店員帶我去另外一個門口，果個門口係有斜路，不過入去要小心，差唔多係直角90度先可以去到餐廳嘅通道，近門口果張食客都好幫忙，盡量張枱面推入去等我通道闊多少少，最後我小心翼翼成功去到座位叫野食，呢度下午茶餐都只係$35起，非常抵食！1.吉列豬梅扒（迷迭香蒜蓉汁）配 意大利粉$45+即磨咖啡+西班牙巴斯克焦香芝士蛋糕$25（9.5/10）我叫咗一塊大過成人手掌嘅吉列豬扒，呢塊豬扒外皮炸得好脆，豬扒肉質好厚實，再配埋意大利粉，淋上迷迭香蒜蓉汁，令到意大利粉唔會好乾身，飲品叫咗即磨咖啡，最後再加配$25叫咗西班牙巴斯克焦香芝士蛋糕，呢個蛋糕唔會好漏，芝士味啱啱好，唔會好重芝士味！2.鐵板雞扒（燒汁）配溫泉蛋+紅糙米飯+熱朱古力$55（9/10）呢個鐵板雞扒配燒汁，塊雞扒唔算好瘦，香煎得嚟仲保留肉汁，心形紅糙米飯配溫泉蛋，飲品叫咗熱朱古力，呢杯熱朱古力唔會好甜！3.琺瑯鍋飯 燒汁燴紐西蘭牛肉眼+溫泉蛋+紅糙米飯+石榴汁$50（8.5/10）呢個琺瑯鍋飯入面有大約八舊紐西蘭
今次要介紹一間喺筲箕灣樂融軒地下有一間西餐廳叫「The Starred」，呢間餐廳最初以為門口有一級，後來店員帶我去另外一個門口，果個門口係有斜路，不過入去要小心，差唔多係直角90度先可以去到餐廳嘅通道，近門口果張食客都好幫忙，盡量張枱面推入去等我通道闊多少少，最後我小心翼翼成功去到座位叫野食，呢度下午茶餐都只係$35起，非常抵食！
1.吉列豬梅扒（迷迭香蒜蓉汁）配 意大利粉$45+即磨咖啡+西班牙巴斯克焦香芝士蛋糕$25（9.5/10）
我叫咗一塊大過成人手掌嘅吉列豬扒，呢塊豬扒外皮炸得好脆，豬扒肉質好厚實，再配埋意大利粉，淋上迷迭香蒜蓉汁，令到意大利粉唔會好乾身，飲品叫咗即磨咖啡，最後再加配$25叫咗西班牙巴斯克焦香芝士蛋糕，呢個蛋糕唔會好漏，芝士味啱啱好，唔會好重芝士味！
2.鐵板雞扒（燒汁）配溫泉蛋+紅糙米飯+熱朱古力$55（9/10）
呢個鐵板雞扒配燒汁，塊雞扒唔算好瘦，香煎得嚟仲保留肉汁，心形紅糙米飯配溫泉蛋，飲品叫咗熱朱古力，呢杯熱朱古力唔會好甜！
3.琺瑯鍋飯 燒汁燴紐西蘭牛肉眼+溫泉蛋+紅糙米飯+石榴汁$50（8.5/10）
呢個琺瑯鍋飯入面有大約八舊紐西蘭牛肉眼，每一舊紐西蘭牛肉眼都幾厚，但係肉質有少少韌，可能唔係咁適宜放落琺瑯鍋燴，鐵板上可能好食好多，呢個套餐仲有心形紅糙米飯配溫泉蛋，飲品叫咗石榴汁，呢杯石榴汁有少少甜！
2人總共價錢$193，其他有加一服務費！
個人口味總評分：9/10
@the_starred_hk
地址：筲箕灣筲箕灣道333號樂融軒地下4號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#TheStarred #西餐廳 #筲箕灣美食 #筲箕灣好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
