麻酸樂米線專門店 (已結業)

下午4點幾先去食飯，實在有選擇困難症，諗唔到食咩，經過麻酸樂，因為之前食過呢度嘅米線同滷肉飯都覺得嘛嘛，原本走左打算食其他架啦，點知最後又行返轉頭打算試下新嘅下午茶時間推介飯，結果就食左呢個咁頹嘅飯，三粒雞球仔，一隻煎蛋，所謂嘅椒醬粒粒就係罐頭🥫粟米蘿蔔同類似菜圃咁嘅野lol 仲要份量都係得小小，連汁都無！下午茶時段，加埋飲品埋單要$42 lol 專登加左$6叫嘅熱咖啡仲要係難飲嘅，真係唔會再有下次！