茶豆冰室

營業中

休息中

今日嚟到呢間餐廳食下午茶, 雖然出面好多人等位, 但可能屋邨餐廳啦, 啲人好快食完就出返嚟, 都唔使等好耐就有得入去坐啦, 啲侍應姐姐都好快手咁樣主動行埋嚟幫你落單, 嘢食亦都上得相當之快 (呢個可能就係佢哋唔使等位等好耐嘅關鍵)佢呢個黑椒雞扒飯色澤誘人, 黑椒醬汁均勻咁淋係雞扒上面，黑椒味微辣刺激, 雞肉就煎得外面脆入面, 嫩滑多汁，同黑椒醬汁完美融合再加埋熱辣辣嘅飯底, 咁樣嘅配搭真係一碗又一碗都食得落呀嘢飲方便都係普通嘅茶餐廳飲品冇乜特別