富臨皇宮

營業中

休息中

間中都會來天水圍富臨飲茶同食晚飯，不過自從開關之後，呢間茶樓都真係静咗好多，基本上假日係唔使等位就可以入坐😂是日又嚟到飲下午茶，叫咗壺鐵觀音濃啲，佢真係打兩個茶包，夠誠意！⭐巧手蔥油餅香口，但多啲蔥同加返少少鹽更好。⭐薑蔥牛栢葉一般，個人覺得有啲化學味。⭐鮮蝦炸雲吞香脆，點埋個甜酸汁正！⭐蜜汁叉燒腸多叉燒又多芫荽，腸粉嫩滑。⭐翡翠鮮蝦腸入面有大大隻蝦蝦翠玉瓜。⭐鵪鶉蛋燒賣好大粒，有蝦同豬肉，調味唔錯😋⭐酥炸鯪魚球唔掂，太淋啦。⭐黑椒牛仔骨好味，牛仔骨入晒味。⭐雞蛋豬腳薑好味又大碗，幾個人分啱啱好。⭐狀元及第粥足料兼粥底綿滑，唔似一般茶樓唔水溜溜喎。⭐韭黃肉絲炒麵炒得香脆，但偏淡，要點辣椒油😆⭐乾炒牛河香口，河粉煙韌，牛肉下得多。⭐蜜汁叉燒瀨叉燒幾好喎，半肥瘦。店幾大，次次都分到濶枱😆會再來飲茶的。