Outback Steakhouse (尖沙咀中心) (已結業)

好多朋友都讚過Outback好味，不過我就一次都未試過，一來晚飯通常排晒隊，二來價錢都幾貴，人多又貴所以就冇衝動入去食。今次碰啱無咩人，平平哋就試吓佢嘅下午茶，尖東呢間Outback裝修和座位擺設都算幾舒服，而且兩邊都有落地玻璃，令餐廳感覺開揚。下午茶選擇都幾多，今次就揀咗意粉同飯，睇吓佢嘅功夫得唔得。食物嘅味道同賣相都唔錯，飲品都有相當水準，已下午茶來講價錢算係中上，不過食物有質素，都算物有所值。