丼丼亭 (翡翠明珠廣場)

營業中

休息中

之前試左丼丼屋嘅午間迷你丼定食，今日經過試埋佢個下午茶定食先下午茶好抵食，$83就有一碗魚生迷你丼， 一碗蕎麥麵同沙律。 個魚生飯好有誠意， 每塊魚生都超大塊同厚切， 仲好新鮮添，再配埋煙韌彈牙嘅珍珠米， 真係令人有好幸福嘅感覺 。😍 蕎麥麵麵質好煙韌好有咬口，暖笠笠啱曬涼浸浸嘅天氣食。另外， $ 95就可以享用到壽司定食。個壽司定食包六件壽司， 每件嘅魚生都肥大肉厚同擺放得好靚， 未食望到都已經好興奮。 之後仲包埋一碗天婦羅魚塊蕎麥麵同沙律。 個炸魚天婦羅，炸都好鬆脆， 塊魚柳有啖啖肉， 去埋暖笠笠嘅蕎麥麵簡直一流。今次嘅下午茶定食, 同佢個午餐一樣都有驚喜。 食完會有想再食嘅感覺。