四點金飯店

營業中

休息中

放假想去歎一盅兩件今日一於去經過好幾次嘅四點金飯店試下下午茶時段 兩點後入座 大中小點都係計小點 我當然集中叫鍾意食既大點啦哈哈💁🏻‍♀️雪山叉燒包雪山皮好鬆脆唔笠 成個包熱辣辣 注意要小心食 唔好比d餡燙傷個嘴呀 蜜汁味香濃👍叉燒一條條分量好足 唔係柴皮淨係得肥肉個種 包底仲煎到微脆 好有誠意💁🏻‍♀️香莤牛肉腸皮綿滑同夠薄 牛肉餡打得滑 牛肉味香濃 好似食梗牛肉球咁 帶有淡淡香莤 相當唔錯👍💁🏻‍♀️馳名炸蛋散之前去過幾間酒樓食蛋散 都係唔脆同有淋左 蛋散到我第一反應係 嘩咁大碟嘅加心心眼!!!呢間係炸得好鬆脆 加埋煉奶 黃糖 同白芝麻配搭得好味道👍略嫌黃糖分量過多偏甜 唔鍾意咁甜可以向侍應提出落小d黃糖💁🏻‍♀️香煎蘿蔔糕蘿蔔糕就係最失色 一夾就散 而且蘿蔔味唔出 餡料偏少👏🏻整體食物質素唔錯 下午茶抵食