梨花苑韓國料理 (已結業)

識左好幾年的鬼仔鬼妹過境香港，當然要招呼佢地食餐飯，我亦聯同當年好友出席。四個人一點多到來，呢度幾旺場，都要等左一等至有位，女店長亦如常的穿上韓國服裝在招待客人。想當年我地四個成日蒲天光，到今日再見，他們還是一對，我地則各自另有伴侶，咁又幾年！講番食物，叫左泡菜石頭飯、泡菜湯麵、炆牛骨飯及參雞湯。前菜一來又是十碟，都是傳統那些，如泡菜、沙律、炒粉絲、莧菜芽菜等等，仍以又辣又鮮味的泡菜是我們的首選，吃了又加，加了又吃，最後還買了兩磅給他們帶上飛機；泡菜石頭飯好味，辣辣地又熱辣辣，唔加韓式辣醬都夠惹味；泡菜湯麵又係辣辣的，麵質似韓式即食麵，有節瓜同海鮮配料，味道唔錯又幾大兜。不過個人而言仍是喜歡這裡的辣泡菜冷麵多一點，一來夠辣，二來麵質較煙韌彈牙；原本叫炆牛尾，但今日午市沒有做，就改叫炆牛骨，牛骨用韓式甜醬油，炆得非常入味，味道甜美。連帶一眾配料如紅蘿蔔、冬菇等都好好味，除了韓烤，這個炆牛骨都不要錯過；從來也不喜歡參雞湯，但朋友相反卻非常喜愛，所以都叫了。有參味亦有雞湯的味道，但呢一味幾時及得上中式花樣百出的老火湯？連四杯飲品及飯後橙，埋單二百八十蚊，吃得飽飽，算好抵食。午市各式餐類，價錢