影片
更多
2018-12-15
905 瀏覽
今日真係為左e間嘢而突登開個account寫食評，體驗極差，食完好嬲，無下次。今晚4個人8點坐低左，嗌左第一轉嘢食，上菜速度極慢，9點幾已經催過一轉，因為見其他枱明明遲過我哋到，但佢哋d嘢就一路上，我哋就岀左少少係咁乾等，驚佢哋落漏單，問左一次係咪落漏單，嗰度個待應就話燒緊。我知佢哋係做街坊生意，人手係少d，所以都諗住體諒下等下。催完之後，有多兩個朋友黎左，第一轉叫d嘢應該唔夠食，就再叫多轉，d嘢都係黎得好慢，坐到差不多十點，有3分1嘢食都仲未黎，我發現其他枱遲過我哋坐低嘅客已經食完走埋有新客再坐低。我哋大大話話都坐左兩個鐘，好明顯係落漏單，我哋都仲未食飽，但咁等落去都唔知等到幾時，前面已經提過佢哋係咪落漏單，都唔理我哋。咁我哋打算唔要佢未岀嗰d嘢，話埋單，個老細死話d嘢全部燒緊，前面有成兩個鐘，8點鐘落單嘅嘢燒到10點都仲燒緊？隔離枱嘅嘢又唔見燒咁耐？老細話因爲我哋枱多人，所以會燒左俾其他客先。個答案完全不知所謂，因為多人所以最遲先有得食係咩玩法？好明顯係落漏單又死都唔肯認，又想屈我哋繼續等，我哋仲有下場，趕住走，真係要買單，無食過嘅嘢你哋又落漏單又未整緊係唔俾錢啦。e個時候老細就鬧
今晚4個人8點坐低左，嗌左第一轉嘢食，上菜速度極慢，9點幾已經催過一轉，因為見其他枱明明遲過我哋到，但佢哋d嘢就一路上，我哋就岀左少少係咁乾等，驚佢哋落漏單，問左一次係咪落漏單，嗰度個待應就話燒緊。我知佢哋係做街坊生意，人手係少d，所以都諗住體諒下等下。
催完之後，有多兩個朋友黎左，第一轉叫d嘢應該唔夠食，就再叫多轉，d嘢都係黎得好慢，坐到差不多十點，有3分1嘢食都仲未黎，我發現其他枱遲過我哋坐低嘅客已經食完走埋有新客再坐低。我哋大大話話都坐左兩個鐘，好明顯係落漏單，我哋都仲未食飽，但咁等落去都唔知等到幾時，前面已經提過佢哋係咪落漏單，都唔理我哋。
咁我哋打算唔要佢未岀嗰d嘢，話埋單，個老細死話d嘢全部燒緊，前面有成兩個鐘，8點鐘落單嘅嘢燒到10點都仲燒緊？隔離枱嘅嘢又唔見燒咁耐？老細話因爲我哋枱多人，所以會燒左俾其他客先。個答案完全不知所謂，因為多人所以最遲先有得食係咩玩法？好明顯係落漏單又死都唔肯認，又想屈我哋繼續等，我哋仲有下場，趕住走，真係要買單，無食過嘅嘢你哋又落漏單又未整緊係唔俾錢啦。
e個時候老細就鬧我哋，唔俾我哋買單，鬧我哋話食唔哂就唔好叫咁多嘢食，都唔知咩邏輯，我哋就係因為肚餓所以先叫咁多嘢食，無得食係因為你哋落漏單，我哋6個人走嗰刻係無一個人飽住走，之後要另外買嘢食填肚。然後個老細再鬧，”你哋未食哂第二轉嘢食，我點會俾第一轉嘢食你哋呀？”聽完之後完全黑人問號，個老細知唔知自己講緊乜？正常係咪應該岀哂第一轉d嘢食俾我哋先？點解要食完第二轉先可以食第一轉叫嘅嘢食？然後個老細走左去狂燒d嘢岀黎俾我哋，期間我叫佢d待應幫我哋買單，佢新燒岀黎嘅嘢屈我哋俾埋錢，中間又拖延時間唔俾我哋走再繼續狂燒，張單上面又有幾樣直頭無岀現過嘅嘢想借頭借路收我哋錢。
新燒岀黎嘅茄子係生嘅，應該係為左求其燒d嘢岀黎盡快屈我哋錢。其他嘢我哋都唔敢食，驚老細加料。講真嗰少少錢我哋又唔係俾唔起，但唔順氣個老細落漏單，又想呃我哋，仲要鬧我哋黎企圖掩飾佢哋落漏單，最後仲拎d未燒熟嘅嘢黎屈我哋錢。我哋大大話話都坐左兩個鐘，如果我要等埋你落漏單嘅嘢咪分分鐘要食3，4個鐘？個老細仲話d嘢食已經燒緊，鬧我哋嘥嘢食，繼續鬧食唔哂唔好叫咁多。但自己就求其燒條生茄子俾我哋，佢自己就可以嘥嘢食嘅。唔飽咁走，仲要俾人鬧食唔哂唔好叫咁多，真係反白眼，e個世界乜人都人，老細為左屈錢乜都講得岀。最後佢d待應係咁講唔好意思，話老細係咁，就幫我哋買單。
食到一肚氣，我自己都係住新蒲崗，都想支持街坊生意，不過e間嘢真係無下次，個老細太狗。
張貼