海皇粥店 (好運中心)

叫咗佢個叉燒菜莆煎蛋飯食，等左30分鐘都未有野食，同侍應催，催咗3-4次都仲未有，上菜速度極慢，慢到食個茶餐廳都快過佢，仲好意思講自己係一個快餐店，不知所謂！

而且員工效率極慢，不論係廚房定樓面，做野都係慢慢做，完全冇效率，侍應亦都扮幫你催出餐，但根本就冇催過。

而且食物品質都極低，煎蛋煎到爛晒，一夾就散晒，連基本煎蛋嘅外形都冇。另外叉燒係切到一粒粒一條條，完全冇口感，亦都好難夾，而且啲叉燒肉仲有陣霉味！

以後唔會再食！