斗斗台灣料理

營業中

休息中

上環信德中心係一個遊客區, 高級寫字樓區。2樓一向係食肆集中地, 但自從早幾個月開咗3樓呢個廣場之後, 選擇從此多咗好多。其中一間就係台灣料理。我點咗黑醋豬軟骨飯，每個堂食嘅都會送一杯茶。呢間鋪好細, 位唔多, 大概坐滿都係20個左右。午飯時間, 有唔少外賣返樓上OFFICE食, 都有我呢D堂食嘅人。黑醋冇想像之中咁酸, 亦唔會太甜, 味道適中，豬軟骨好淋，骨亦都唔會太難咬碎, 食得出廚師花咗心機煮, 有幾條白烚菜, 清淡唔油膩，飯嘅量好多呀, 女仔細食只食到一半, 大食既都好飽。$42 有咁既份量算唔錯喇。