阿杏飯團 (文咸東街)

營業中

休息中

呢間阿杏飯團我一直都想試，但之前淨係喺九龍區先有分店，一直未有機會試到。依家佢喺上環開左分店，對我黎講好方便，終於有機會可以食！呢排新店優惠，order飯團加奶茶或者清茶就可以有85折，於是我同朋友各自都叫左飯團都野飲。奈良黑椒雞扒飯團 $38有肉鬆、菜脯、雞扒、油炸鬼、生菜同埋沙律醬，材料好豐富，食落口感同味道都一流。雞扒食落好嫩滑。最重要嘅係呢個飯團用左紫糯米，食落好軟糯而又有咬口，配埋香脆嘅油炸鬼好好食。大板海草飯團 $36材料同雞扒飯團大致差唔多，同樣都係有肉鬆、菜脯、油炸鬼、生菜同埋沙律醬，唔同嘅係雞扒變左中華沙律，朋友話中華沙律同飯團好夾。黑糖珍珠奶茶 $29奶味好濃，有驚喜，飲落唔會太甜，珍珠唔太韌，食落軟糯。椰果四季春 $25清新嘅椰果配上四季春，飲完都唔會太有罪惡感。