影片
更多
2022-07-13
365 瀏覽
隱世正宗泰國菜Check In ThaiViet 位於上環新街，位置比較隱蔽但係唔難搵，遠遠你就會見到佢哋間鋪，因為整個門口用綠色設計，好搶眼，你會感覺好似去咗泰國一樣，店舖大門有開陽嘅有吧枱坐位，喜歡嘅話坐喺度一邊食一邊飲望住條街，好有feel，店舖裏面亦有一張好大嘅泰式手繪風情畫，泰國所有特色就呈現你眼前🇹🇭呢度嘅大廚係正宗泰國人，所以食物味道，質素都係非常泰式，例如我今日食嘅生菜包同埋沙嗲你會完全感受到泰式香料嘅風味，好正宗🦐▪️泰式炸蝦餅 （4件）$ 98四件蝦餅超大件，要用刀切開先搞得掂，外皮加咗麥皮一齊炸，更加有口感和脆囗，蝦餅超級彈牙，配上自家特調泰式甜酸汁，醬汁好特別，有少少梅嘅味道，非常好食🥬▪️泰式香辣肉碎生菜包 $ 108生菜包既肉碎喺手切，所以你會見到豬肉大細唔一致，而且係半肥瘦，超正，配料有馬蹄，洋蔥，辣椒，紅蔥頭，泰式豆角，九層塔，仲有泰國香料，調味剛好，非常惹味，如果唔食得辣嘅朋友，可以拎走啲指天椒先食，無論就咁食或者用生菜包住嚟食都係咁好食🍢▪️串燒沙嗲 （雞肉 / 豬肉/ 牛肉）$ 108豬，牛，雞每樣各兩串，每串肉份量都好大件，全部自家醃製，牛肉係牛柳，肉
隱世正宗泰國菜Check In ThaiViet 位於上環新街，位置比較隱蔽但係唔難搵，遠遠你就會見到佢哋間鋪，因為整個門口用綠色設計，好搶眼，你會感覺好似去咗泰國一樣，店舖大門有開陽嘅有吧枱坐位，喜歡嘅話坐喺度一邊食一邊飲望住條街，好有feel，店舖裏面亦有一張好大嘅泰式手繪風情畫，泰國所有特色就呈現你眼前🇹🇭
呢度嘅大廚係正宗泰國人，所以食物味道，質素都係非常泰式，例如我今日食嘅生菜包同埋沙嗲
你會完全感受到泰式香料嘅風味，好正宗
🦐▪️泰式炸蝦餅 （4件）$ 98
四件蝦餅超大件，要用刀切開先搞得掂，外皮加咗麥皮一齊炸，更加有口感和脆囗，蝦餅超級彈牙，配上自家特調泰式甜酸汁，醬汁好特別，有少少梅嘅味道，非常好食
🥬▪️泰式香辣肉碎生菜包 $ 108
生菜包既肉碎喺手切，所以你會見到豬肉大細唔一致，而且係半肥瘦，超正，配料有馬蹄，洋蔥，辣椒，紅蔥頭，泰式豆角，九層塔，仲有泰國香料，調味剛好，非常惹味，如果唔食得辣嘅朋友，可以拎走啲指天椒先食，無論就咁食或者用生菜包住嚟食都係咁好食
🍢▪️串燒沙嗲 （雞肉 / 豬肉/ 牛肉）$ 108
豬，牛，雞每樣各兩串，每串肉份量都好大件，全部自家醃製，牛肉係牛柳，肉質軟淋有咬口，好喜歡佢醃料嘅香味，豬肉我估係梅頭肉，因為非常之淋，有少少肥膏，好正，雞肉更加出色，肉質好滑，而且醃料係我喜歡嘅香茅味，最精彩嘅部份係用嚟點串燒嘅沙嗲醬， 香濃嘅花生沙嗲味，仲要食到好幼細嘅花生幼粒，必食推介👍🏻
🧉▪️新鮮椰青 $ 48
椰青又係好大個，雪得又夠凍，清甜解渴
🍹▪️龍眼冰 $ 48
龍眼冰係每次食泰國嘢一定要飲，好多龍眼肉，而且唔太甜，好飲
張貼
