囍八方 (差館上街)

營業中

休息中

上環自家制餃子🥟上環有好多好食既小店，今次嚟到位於差館上街食餃子。一入餐廳，已經見到廚房既店員系度包緊餃子，餐廳播住耳熟能詳既廣東歌，環境亦令人會坐得幾舒服。🥗 麻辣雲耳青瓜、鹵水蛋叫左一個常餐，跟餐會有前菜小食同飲品。雖然個名叫麻辣雲耳，但食落就一啲都唔辣，而且作為冷盤都開胃，不過青瓜同雲耳就切得太細粒，食完唔太夠喉。🥟 五福臨門五福系指五款餃子，包括芹菜餃、西洋菜餃、韭菜餃、鮮蝦雲吞、鮮蝦菠菜餃，共10件，岩哂啲每款餃子都想試下既人食。餃子皮又薄又滑，餡料調味得宜，濃淡有致。最鐘意既系鮮蝦菠菜餃，兩款餡料夾得嚟又唔會搶左對方既味道。🍵 囍八方冷泡茶用電解還原水衝泡，飲落都覺得健康啲。