望月軒

營業中

休息中

今日難得同阿媽同一日放假，便相約一齊去飲茶。因為我要約咗人澳門廣場交收，所以就決定去商場入面間酒樓食嘢。飲茶必點當然係蝦餃，個皮夠薄，夾起唔會穿，蝦肉爽彈鮮甜，食得出係鮮蝦。羊肚菌鮮竹卷，呢個都幾特別，用羊肚菌嚟做配搭，香氣濃郁。上湯竹笙雲吞，覺得最啱我口味係呢個雲吞，配上清甜的湯水，雲吞味道更加鮮美。薑蔥牛柏葉，牛柏葉除咗飲茶真係好少食，難得食到當然要叫嚟試下，味道都唔錯。芋泥燉奶，芋頭味嘅甜品對我嚟講都有好大吸引力，味道鮮濃香甜，好好味。