影片
更多
2020-09-15
127 瀏覽
因應疲情, 多左買外賣番公司食, 一直都好鐘意去上環禧利街蘇杭街個頭搵食, 好想試呢間叉燒意粉好耐, 但平時12-2時間太多人排隊, 今日咁啱遲左食lunch, 2:30去到買外賣可以一試, 可惜去到佢個叉燒意粉賣哂! 估唔到兩點後呢個時段都差不多滿座, 間隔都OK, 唔會同隔離枱太近!下午茶餐都好抵食, 但我挨唔住到3點先食, 拿拿聲叫個午餐先!最後點左佢既午餐:自家制海鮮XO醬肉眼豬扒飯同埋叉燒日本滑蛋飯, 等待外賣時間合理, 5分鐘左右就有拎到番公司兩個飯盒都仲熱辣辣, 佢既海解XO醬好惹味但唔辣, 加上佢飯有甜鼓油底, 食落好夾, 豬扒肉質唔錯, 有咬口, 唔算太稔, 有3件大大件, 旁邊小小salad配柚子汁都好開胃! 我最鐘意飯盒係要有小小菜既, 感覺健康小小嘛~另外同事叫既叉燒日本滑蛋飯都唔錯, 叉燒軟硬適中, 日本滑蛋好正, 最緊要多蔥, 配合埋有甜鼓油底既白飯一流, 可以清哂成個飯盒!個餐配埋野飲都幾抵, 但我地健康一派, 就無叫奶茶, 叫左兩杯熱檸水下次要試埋佢個奶油豬做下午茶先得!佢自家制XO醬仲有得賣tim~
拎到番公司兩個飯盒都仲熱辣辣, 佢既海解XO醬好惹味但唔辣, 加上佢飯有甜鼓油底, 食落好夾, 豬扒肉質唔錯, 有咬口, 唔算太稔, 有3件大大件, 旁邊小小salad配柚子汁都好開胃! 我最鐘意飯盒係要有小小菜既, 感覺健康小小嘛~
另外同事叫既叉燒日本滑蛋飯都唔錯, 叉燒軟硬適中, 日本滑蛋好正, 最緊要多蔥, 配合埋有甜鼓油底既白飯一流, 可以清哂成個飯盒!個餐配埋野飲都幾抵, 但我地健康一派, 就無叫奶茶, 叫左兩杯熱檸水
下次要試埋佢個奶油豬做下午茶先得!佢自家制XO醬仲有得賣tim~
張貼
