Paintable Cafe (已結業)

晏晝想搵個文青Cafe坐下，經過上環附近一間唔太顯眼，鋪面純白色裝修既Cafe，入到去已經見到戶外位置有大大幅壁畫，非常有特色。彩虹乳酪淺藍色酸酸地既乳酪加入咗藍莓、奇異果、柑桔、香蕉等水果，顏色七彩繽紛，令人增加食慾。帶子黑松露蘑菇意粉一上枱已經聞到黑松露既香氣，煎過嘅帶子肉質鮮嫩，口感結實，每一啖意粉都被濃郁既忌廉黑松露醬汁包裹住，高質之選。香蕉榛子醬牛角包窩夫 配雪糕牛角包窩夫一次過有齊牛角包酥脆同埋窩夫既烘烤口感，一直係我好中意食既甜品，上面配咗焦糖香蕉🍌，外脆內軟，中間夾住一層creamy既奶油，口感非常豐富。Hazelnut Latte 天鵝拉花好特別，飲品用咗espresso coffee 做底，加咗榛子同奶沖，提神之餘容易入口。Matcha Latte 入口飲到濃厚馥郁既茶味，帶有微微的苦澀味同埋奶香味，抹茶控一定要試。