上海弄堂菜肉餛飩 (已結業)

聽個舖頭名都知呢度係食上海雲吞午市套餐都係大概50蚊至60蚊左右，價格相宜一場嚟到，當然要試下呢度有名嘅菜肉雲吞叫咗菜肉雲吞麵，菜肉餛飩啲餡都幾飽滿， 入面有豬肉有菜肉，調味幾香味道真係唔錯，湯底較清清地，自己加少少辣醬就非常之perfect另外叫咗醉雞菜飯， 醉雞味好入味，但係啲雞就略嫌「鞋」咗少少，菜飯有雞湯味， 食下食下成碗食曬同事叫咗菜肉雲吞酸辣湯底，酸辣湯底比較「傑」嘅一種，但係味道酸酸辣辣，非常平均，都唔錯。最後我哋想叫咗一籠小籠包一齊share，小籠包呢到個皮好似好厚咁，但係點知食落去又唔係喎又幾薄，而且一口咬落去有湯汁，啲肉又嫩滑，小籠包真係推介午市免加一，埋單每人都係70蚊左右，超值。