海盜王餐廳

營業中

休息中

入左上水見客，一條友打算求其食茶，嘩，平日都咁多人，全部都係水貨客，真係好誇張，過左一堆藥房，呢間個海盜公仔幾得意，好似新開冇耐，就呢間。好鐘意d米字旗，個開放式廚房好乾淨企理，山長水遠入到黎都算有收穫，叫左個水手咖喱牛根條配白飯，以為簡簡單單一碟咖喱牛腩飯，上碟見到有誠意，牛腩軟腍，肉質肥美，有咬口得來又不會乾爭爭，肉感十足，牛筋有o趙頭，薯仔薯味濃，帶天然甜味，咖喱汁香，入口味道濃，慢慢滲出辣勁，但又不會太嗆。跟餐叫個意大利凍咖啡，咖啡味道香濃，出奇地好飲我好鐘意是貝榖類，叫多個白酒忌廉煮藍青口，藍青口肉厚鮮甜，加上白酒、淡忌廉、蒜及香草而成嘅醬汁，好味，醬汁的質感厚身，唔會太杰，正合我意。