NN Coffee & Gin (裝修中)

今日跟朋友去試玩aerial hoop, 但係放工又趕唔切買嘢食 個friend話唔洗買 話見到面再一齊食 我有一刻懷疑究竟我地係約左食飯定上堂 去到見到原來上堂嘅地方出邊就已經係一間餐廳 搞到我未上堂就已經滿腦子食物🤣上堂前仲話一陣食沙律唔好前工盡廢 一落堂就餓到立刻轉章嗌左個香煎日本帶子黑松露手工意大利粉 🙈 完全無後悔佢嘅手工意大利粉其實係手工寬條麵 麵嘅質地好有𡁻口 蛋香亦好重 佢個醬汁除左有好重嘅黑松露味之餘仲用左好多種唔同種類嘅菇去一齊煮 食落唔會咁寡 令到個汁無咁漏 但係又唔會稀到完全唔掛汁 另外意粉面果兩粒帶子煎到啱啱好 質地非常嫩 雖然唔似新鮮帶子 但係味道都好鮮甜另外嗌左杯Pink Lychee Martini, presentation滿分 好適合呢個咁girly嘅環境 佢面頭嘅荔枝泡泡好香好滑 呢個地方唔錯 可以直接做完運動同個friend飲返杯 場都唔洗轉 跟住可以直接返屋企 😎