阿爺八鮮鍋 (已結業)

🔆如果係屋企食海鮮嘅可以食到幾多款？朋友介紹我哋去阿爺八仙鍋無極限火鍋放題2.5小時，食過一次😍不能自拔。本身餐廳有自設魚缸，所以海鮮類特別新鮮，一坐低就遞上龍蝦、南非鮑魚、扇貝拼盤，三款小食、是日老火湯同埋佢哋出名嘅惹味花膠年糕雞煲，雞煲醬汁非常惹味，如果唔係要留返個肚食海鮮，真係想再encore。鍾意食刺身嘅老公，仲order咗海立魚刺身拼盤，一條魚有不同食法，好特別。鮑魚、元貝、大蟶子、鱔片、海蝦、蠔、太子蚌......呢啲平時我買開嘅海鮮都有，雖然南非鮑魚冇得任叫，但係可以任叫嘅鮑魚，Size都唔細架，而且極度爽滑，性價比好高👍