譚仔雲南米線 (The LOHAS康城)

營業中

休息中

奉勸大家落單前三思，呢間譚仔質素真係極差。喺附近返工，每次食晏一定幫襯。開頭好好嘅，份量足料質素又好，蒜泥白肉好食過三哥。點知嘢食越嚟越縮水，今日叫兩餸米線，豬膶同竹笙，豬膶竟然可以得兩嚿，竹笙得嗰三條。另外同事叫過橋米線都係得嗰兩嚿豬膶，兩條手指咁幼嘅竹笙，火腿細到幾乎搵唔到。 對上兩三次都己經發生過呢個問題，除此之外，佢個蒜泥白肉份量少咗，同埋曾經食過幾次，堂食同外賣都試過食到成碗米線都有怪味，食落似有番梘味（好微量，對面位同事都察覺唔到，當時以為自己問題，所以冇同員工講），但食到尾發現源頭應該係腐皮醙咗，因為之後第二日再叫嘅時候味道就正常返，所以好確定當時嗰碗係有問題。因為自己真係好中意食譚仔所以就算發生之前咁嘅問題都仍然keep住叫，一星期少極都有兩餐lunch會食譚仔，仲要康城鋪係貴出面幾蚊，但今次真係太失望，康城其實好多選擇，食其他好過。