譚仔三哥米線 (南昌薈)

營業中

休息中

食厭左西式早餐，諗黎諗去唔知食咩好時，入黎三哥食個兩餸米線早餐先。叫左豬潤火腿少米線，糊辣十小辣，加多士，熱奶茶多奶。盛惠38蚊。咁富豐盛既早餐都唔過40蚊，抵啦。豬潤爽口，仲有我最中意既糊辣湯底，濃烈既糊辣味，真係好正。少米線份量岩岩好。食完個米線再食埋塊多士，成件事好完滿，滿足到我想食多士，又唔想食西式早餐既心情😂奶茶要叫多奶，因為呢間d奶茶偏苦茶味比較濃，所以多奶對我黎講味道岩岩好。呢間譚仔姐姐都比較親切同有禮貌，唔知係咪因為邨屋商場舖做開街坊生意既關係，態度普通都比出面街舖既友善得多。