新南苑私房菜 (已結業)

今日難得做孝女同阿媽食飯，佢超鐘意食海鮮，食任食唔駛煩，好方便！簡左海鮮餐，任食三個鐘真心癲😂一開始就上左幾款小菜，焦糖合桃、無骨雞腳都好好食。之後黎左個雞煲，店員好貼心話要隔一陣攪攪佢，之後可以加油炸鬼。雞肉肉質唔老，叫左小辣幾惹味唔會太辣。不過食完雞煲已經開始飽😂😂刺身拼盤蝦同冰鎮鮑魚都幾甜，其他正正常常。南瓜公仔蜆湯勁打卡😂睇住隻熊係湯到溶好有趣！海鮮拼盤龍蝦大大隻，都幾新鮮彈牙。青口就一般，蠔同帶子都幾唔錯。手切牛頸脊呢個幾有牛味，睇落脂肪唔多，但食落幾淋。其他打邊爐嘅任食配料不過真係食唔到咁多啦，叫左脆骨腩同蝦等等野飲選擇都好多 3.6北海道牛乳奶凍飽到上腦依然要食甜品，好滑好有奶香，完美結束呢一餐見到佢晏少少有個貓頭鷹時段，仲抵食，下次同fd可以再瘋狂食。