影片
更多
2023-03-05
74 瀏覽
觀塘嘅「小火焰韓式咖啡廳」，我間唔中都會去食lunch，次次都要等位人氣幾高，今次去開樂富見都有分店就試吓晚巿～我哋叫咗個【明洞二人套餐】，有齊飲品，沙律、小食、鍋物、主食、甜品，各項都有幾個options，鍾意食乜自由配搭。飲品連乳酸特飲都唔駛加錢～朋友叫咗杯【巨鋒乳酸特飲】，我就飲【熱蜂蜜生薑】驅寒。【薄烤牛肉野菌沙律】沙律都幾大兜，牛肉份量都多。沙律用黑醋dressing所以肉多都唔覺滯。下面有菇菌同多律菜，都幾豐富。撈埋蛋汁口感香滑。【韓燒豬頸肉】豬頸肉上面有芝麻同甜辣醬，食落香口。我哋加$48將鍋物升級做【鮑魚人參鴿配人參酒】人蔘酒係另外用玻璃杯仔上，想濃味啲就落晒佢。乳鴿入面釀有糯米，再加埋人蔘、紅棗、蒜、粟子，都幾豐富，冬天食暖身啱晒。【拉絲芝士香燒雞翼伴泡菜炒飯】泡菜飯唔算辣，芝士份量好多，口感軟滑。雞翼燒得香口又大隻。甜品可以加$28升級做窩夫，我哋揀咗【奶油芒果窩夫】。窩夫香脆，仲有雪糕同鮮芒果粒，完美～成個set份量都幾多，三個人都夠食，抵呀！
我哋叫咗個【明洞二人套餐】，有齊飲品，沙律、小食、鍋物、主食、甜品，各項都有幾個options，鍾意食乜自由配搭。
飲品連乳酸特飲都唔駛加錢～朋友叫咗杯【巨鋒乳酸特飲】，我就飲【熱蜂蜜生薑】驅寒。
【薄烤牛肉野菌沙律】
沙律都幾大兜，牛肉份量都多。沙律用黑醋dressing所以肉多都唔覺滯。下面有菇菌同多律菜，都幾豐富。撈埋蛋汁口感香滑。
【韓燒豬頸肉】
豬頸肉上面有芝麻同甜辣醬，食落香口。
我哋加$48將鍋物升級做【鮑魚人參鴿配人參酒】
人蔘酒係另外用玻璃杯仔上，想濃味啲就落晒佢。乳鴿入面釀有糯米，再加埋人蔘、紅棗、蒜、粟子，都幾豐富，冬天食暖身啱晒。
【拉絲芝士香燒雞翼伴泡菜炒飯】
泡菜飯唔算辣，芝士份量好多，口感軟滑。雞翼燒得香口又大隻。
甜品可以加$28升級做窩夫，我哋揀咗【奶油芒果窩夫】。窩夫香脆，仲有雪糕同鮮芒果粒，完美～
成個set份量都幾多，三個人都夠食，抵呀！
張貼
