影片
更多
2022-09-14
61 瀏覽
旺角通菜街一帶嘅餐廳食肆真係多不勝數，最近開咗間三人行燒烤專門店，一於來個三人行，約埋2個朋友嚟食下嘢吹下水。 餐廳主打食燒烤串燒🍡，一般串燒店都比較貴，叫10碟8碟，貴夾唔飽，呢度價錢相當合理，CP值極高。餐廳仲明白到食客嘅需要，知道食串燒都唔多夠飽，所以有意粉比客人選擇，相當貼心。 先講下佢個意粉啦，龍蝦汁大蝦意粉嘅龍蝦汁都好濃，每一口意粉都充滿住龍蝦汁嘅味道。大蝦🦐都算新鮮彈牙，意粉煙韌有咬口。 日式汁燒魷魚筒🦑：魷魚都幾大隻，新鮮鮮甜，燒汁甜甜地好開胃。 五花腩🐖：油脂香氣十足，油脂入口仲保留住脂肪融化口中的香味，肉質柔嫩多汁有彈性、肉味濃郁美味。 豬頸肉串：豬頸肉串爽滑彈牙，表面焦香，配合埋燒汁食味道一流👍。 雞胸軟骨：一客有2串，爽口又有嚼勁，加埋燒汁食，味道超正！🤤 低溫燒乳鴿：平時喺酒樓食嘅燒乳鴿都比較乾身，呢度嘅乳鴿採用低燒去燒製，肉質特別鮮嫩多汁，保留番乳鴿嘅原汁原味。 安格斯牛肋串🐮：有香又嫩，牛味濃郁。 朱古力香蕉🍌：燒香蕉原來幾好味，燒到軟身，再加上朱古力醬，作為甜品嘅總結，相當圓滿。
旺角通菜街一帶嘅餐廳食肆真係多不勝數，最近開咗間三人行燒烤專門店，一於來個三人行，約埋2個朋友嚟食下嘢吹下水。
餐廳主打食燒烤串燒🍡，一般串燒店都比較貴，叫10碟8碟，貴夾唔飽，呢度價錢相當合理，CP值極高。餐廳仲明白到食客嘅需要，知道食串燒都唔多夠飽，所以有意粉比客人選擇，相當貼心。
先講下佢個意粉啦，龍蝦汁大蝦意粉嘅龍蝦汁都好濃，每一口意粉都充滿住龍蝦汁嘅味道。大蝦🦐都算新鮮彈牙，意粉煙韌有咬口。
日式汁燒魷魚筒🦑：魷魚都幾大隻，新鮮鮮甜，燒汁甜甜地好開胃。
五花腩🐖：油脂香氣十足，油脂入口仲保留住脂肪融化口中的香味，肉質柔嫩多汁有彈性、肉味濃郁美味。
豬頸肉串：豬頸肉串爽滑彈牙，表面焦香，配合埋燒汁食味道一流👍。
雞胸軟骨：一客有2串，爽口又有嚼勁，加埋燒汁食，味道超正！🤤
低溫燒乳鴿：平時喺酒樓食嘅燒乳鴿都比較乾身，呢度嘅乳鴿採用低燒去燒製，肉質特別鮮嫩多汁，保留番乳鴿嘅原汁原味。
安格斯牛肋串🐮：有香又嫩，牛味濃郁。
朱古力香蕉🍌：燒香蕉原來幾好味，燒到軟身，再加上朱古力醬，作為甜品嘅總結，相當圓滿。
張貼
