影片
更多
2022-02-08
331 瀏覽
餐廳：Lab 10 (旺角)地址：旺角亞皆老街8號朗豪坊10樓26號舖Lab 10 @lab10hk 喺旺角朗豪坊開咗差唔多四年，顧名思義，呢間韓式餐廳佈置成好似一個實驗室咁🧪，另外位於10樓，所以就取名為Lab 10，令人好易就記得起佢哋🤪Lab 10 主打韓式無煙燒肉同新派韓式主食🇰🇷，依家逢星期一至五仲推出優惠午市套餐😍，75分鐘午市時段放題都喺$99，有24款美食；而我今次就同朋友食$138嘅75分鐘午市時段無煙燒肉放題，有26款美食之外，like埋佢哋社交平台仲送安格斯牛肉拼盤🐂對比起一般向上抽嘅煙通系統，Lab 10用咗喺燒爐底下抽煙嘅方法，真正做到無煙燒烤，食完都唔覺成身有一陣燒肉味🔥安格斯牛肉拼盤有牛板腱、牛小扒同牛肩肉，每人每款有2-3件，雖然擺碟賣相一般，但望落肉質都幾新鮮，燒熟後牛肉香都幾濃郁🥰，我尤其鍾意薄切大大塊嘅牛肩肉，軟嫩得嚟帶有入口即溶嘅感覺，脂肪比例唔算多，感覺上食都食得放心啲😛任食推介緊喺Lab 10嘅招牌牛肉——韓式梨汁牛五花啦😎，用咗甘酸嘅梨汁去醃製油脂豐富嘅牛五花，除咗食落帶有陣陣梨香🍐，仲中和咗牛五花嘅油膩感，食晒成碟都得，比一般肥牛嘅油脂香
地址：旺角亞皆老街8號朗豪坊10樓26號舖
Lab 10 @lab10hk 喺旺角朗豪坊開咗差唔多四年，顧名思義，呢間韓式餐廳佈置成好似一個實驗室咁🧪，另外位於10樓，所以就取名為Lab 10，令人好易就記得起佢哋🤪
Lab 10 主打韓式無煙燒肉同新派韓式主食🇰🇷，依家逢星期一至五仲推出優惠午市套餐😍，
75分鐘午市時段放題都喺$99，有24款美食；而我今次就同朋友食$138嘅75分鐘午市時段無煙燒肉放題，有26款美食之外，like埋佢哋社交平台仲送安格斯牛肉拼盤🐂
對比起一般向上抽嘅煙通系統，Lab 10用咗喺燒爐底下抽煙嘅方法，真正做到無煙燒烤，食完都唔覺成身有一陣燒肉味🔥
安格斯牛肉拼盤有牛板腱、牛小扒同牛肩肉，每人每款有2-3件，
雖然擺碟賣相一般，但望落肉質都幾新鮮，燒熟後牛肉香都幾濃郁🥰，我尤其鍾意薄切大大塊嘅牛肩肉，軟嫩得嚟帶有入口即溶嘅感覺，脂肪比例唔算多，感覺上食都食得放心啲😛
任食推介緊喺Lab 10嘅招牌牛肉——韓式梨汁牛五花啦😎，用咗甘酸嘅梨汁去醃製油脂豐富嘅牛五花，除咗食落帶有陣陣梨香🍐，仲中和咗牛五花嘅油膩感，食晒成碟都得，比一般肥牛嘅油脂香更加出，真喺值得一試👍
除咗燒肉之外又點少得醃蘿蔔、醃青瓜🥒、泡菜、沙律呢啲前菜🥗？飲埋碗足料嘅豆腐湯嗆一嗆喉就更加過癮，咁凍嘅天氣飲暖身就啱晒☺️；
炸魷魚、炸雞棒同薯條亦唔馬虎，食落香脆可口唔厚粉，唯獨是食完有少少頸渴💦，所以就飲埋每人包一杯嘅水果梳打🍹，我就叫咗熱情果梳打，朋友就叫咗青檸梳打，加$20仲可以升級任飲果味梳打添，喺飯筒嘅你就唔好錯過叫多幾碗白飯食啊🍚，因為喺任食㗎🤩
疫情之下Lab 10有賣晚市外賣燒肉套餐($298)，消費滿$300仲有一次夾公仔機會，可以贏取Kaws、村上隆、Supreme、Ayes等潮流品牌嘅禮品🎁，認自己係潮流人士嘅你就唔好錯過喇🤪
張貼
