影片
更多
2022-01-05
3379 瀏覽
相隔一年，咁岩足球隊舊隊友相約食飯，決定重臨星月樓食餐飯。我地book左3枱，酒樓特意安排左間vip房比我地盡興，我地當晚每枱共叫左大約9樣餸，最推介有幾樣：一口叉燒、羊腩煲、金薯咕嚕肉、蒜香一字排、鐵板客家豆腐、鹽焗雞、生炒糯米飯。一口叉燒 - 外脆內軟，食得出用既部位係最靚同埋係即叫即整，必點推介。羊腩煲 - 羊夠腍，無羶味(鍾意食蘇味既朋友可能會失望)。支竹好新鮮，吸晒羊腩汁之後昇華到另外一層次。金薯咕嚕肉 - 咕嚕肉好食，有隊友略嫌蕃薯多左d。蒜香一字排 - 夠香脆，肉唔會話好乾。鐵板客家豆腐 - 外觀一般但味道出奇地好味，最快被清晒。鹽焗雞 - 一個字，嫩。 雞胸位都好嫩滑。推薦。生炒糯米飯 - 好香好味，食得出係即叫即整。最後酒樓仲送左甜品，大家都食得好開心。期待下次。
一口叉燒 - 外脆內軟，食得出用既部位係最靚同埋係即叫即整，必點推介。
羊腩煲 - 羊夠腍，無羶味(鍾意食蘇味既朋友可能會失望)。支竹好新鮮，吸晒羊腩汁之後昇華到另外一層次。
金薯咕嚕肉 - 咕嚕肉好食，有隊友略嫌蕃薯多左d。
蒜香一字排 - 夠香脆，肉唔會話好乾。
鐵板客家豆腐 - 外觀一般但味道出奇地好味，最快被清晒。
鹽焗雞 - 一個字，嫩。 雞胸位都好嫩滑。推薦。
生炒糯米飯 - 好香好味，食得出係即叫即整。
最後酒樓仲送左甜品，大家都食得好開心。期待下次。
張貼