C2 Lab

營業中

休息中

呢間西餐廳食物質素唔錯，同朋友叫咗：🍲牛尾湯好足料嘅湯，裡面有大大嚿連骨嘅牛肉，湯底濃而不油，滋味十足。🍲黑松露忌廉湯 一上枱就聞到黑松露嘅香氣，黑松露味道好濃郁，而忌廉湯口感順滑，啱哂鍾意食松露嘅朋友。🦪西班牙Galicia生蠔 $48我地叫咗兩隻生蠔，店員介紹話西班牙蠔嘅特點係海水味會較重。呢隻生蠔非常新鮮，鹹鮮味好突出。🍝意式卡邦尼手工扁意粉 $138店員介紹話卡邦尼汁係用傳統方式烹煮，用左蛋黃嚟收汁。食落去卡邦尼醬汁濃郁結身，意粉彈牙。意粉裏仲有好多煙肉粒同芝士片做配料~🥓燒美國熟成豬鞍配燒烤汁 $238豬鞍先經過慢煮然後再煎，切開見到豬鞍肉質非常嫩，呈淺粉紅色。燒烤汁甜中帶煙燻香，伴碟有薯蓉同埋秋葵等蔬菜。