豐味車仔麵

營業中

休息中

而家 weekend 夜晚出街，基本上到處都人頭湧湧，同疫情前已經冇咩分別，喺旺角覓食就更加困難，誤打誤撞，結果嚟到女人街旁嘅呢間車仔麵。呢度有港式車仔麵，重慶酸辣粉同四川麻辣燙三款選擇，前者成日食，後兩者之中結果揀咗正宗重慶酸辣粉，小辣配薯粉底，餸就要牛腩，魚肉春卷同魷魚。雖然 menu 上寫每碗麵配料有炸菜，芫茜同花生，但我呢碗就冇咗炸菜，唔知係咪缺貨呢？成碗麵整體嚟講係幾好食，薯粉 Q 彈煙韌，三款餸份量以牛腩最多，炆得幾腍幾入味，魚肉春卷魚膠彈牙有魚味，魷魚呢，雖然味道唔算濃，但係口感爽滑，浸埋小辣湯汁一齊食，係好正。