JAJA

營業中

休息中

一開始係俾呢度嘅環境同飲品吸引到，真係好少女好好打卡，所以決定嚟試試。粉紅漫霞呢杯真係打卡一流，賣相得，飲品都唔差，完全唔係甜到漏嗰隻，反而係甜度適中，仲幾香士多啤梨味幾好飲，配埋咁多cream一齊食真係好邪惡😂但係個donut就唔好食，就算一開始已經係食佢先，都淋晒又無咩味，咬咗一啖就放低。提生糙米壽司拼盤呢個好有驚喜呀，3種卷都好好食，好欣賞佢將塊茄子整到好似肥豬肉咁，好入味好好食。脆辣菠蘿蜜卷好香脆香口，少少辣好惹味。台式滷肉飯呢個一入口就覺得好種香料味，仲要辣辣地，因為無預計過滷肉飯會有辣味，真係有啲失望，而且愈食愈濃味，食咗一半已經唔想再食。Lunch時間其實唔算多客，但似乎樓面好唔夠人，叫咗好耐都無人落單，仲有漏單情況。