和味

營業中

休息中

肥雞永遠好煩惱仔喺尖沙咀行完街之後食啲乜嘢又唔好咁貴，咁肥雞今次經過就見到一間專賣越南菜同埋廣東菜嘅茶餐廳，價錢都幾親民，所以入去試下，因為媽子肚餓所以嗌咗個燒鵝飯，佢啲燒鵝可能啱啱新鮮出爐，熱辣辣，所以都唔錯肥瘦適中，跟住肥雞就嗌咗個軟殼蟹米紙卷配埋開胃嘅酸甜醬，又足料又好味 ，唔夠喉再整多隻燒乳鴿，佢啲乳鴿又係啱啱先出嚟油脂分佈得好好，皮脆肉嫩 送酒一流 ，再整多個蟹膏蕃茄扎肉湯檬粉 ，佢個蟹膏湯底非常之龍，配埋酸甜嘅蕃茄醬用料十足畀到肥雞一個驚喜