浪．居酒屋 (已結業)

今日係時代廣場行完街就過咗去隔離街揾食，係登龍街行咗一陣就決定食呢間居酒屋。見到一鍋三燒套餐幾吸引，可以食齊鐵板燒、壽喜燒同涮涮鍋，所以同朋友就決定食呢個，套餐有兩個價錢，價錢差唔多梗係叫個貴少少嘅頂級海鮮和牛餐。😋首先嚟個九宮格前菜，九宮格內擺放咗唔同嘅食品，有三文魚籽、玉子燒、拖羅蓉、枝豆等等，重有紫菜提供，食客可以自行製作手卷，蟹籽沙律味道超正，拖羅蓉豐腴肥美，三文魚籽亦非常飽滿。第一燒係鐵板燒，有A5鹿兒島和牛牛肩、A4牛肩里肌、日本黑豚肉及其他蔬菜 🥩 豐腴多汁嘅牛肉放上鐵板輕輕煎烤，煎至微微焦香就可以入口。第二燒係壽喜燒，有A5鹿兒烏和牛三角腩、A4牛臂肉 🥩 三角腩係和牛最矜貴嘅部位其中之一，雪花紋非常靚，脂肪與肉嘅比例非常平均，三角腩口感嫩滑，油香滿溢，煎烤後再加入少許壽喜燒汁，令滋味感再進一步昇華 🤤 鐵板燒和壽喜燒肉嘅份量超級多，自認係食肉獸嘅朋友仔千祈咪錯過。第三燒係涮涮鍋，自家製湯底味道幾清甜 😋 海鮮拼盤相當豐富，有鮑魚、蟶子、蜆、蝦、魚一應俱全 🥦 蔬菜就有魚蛋、娃娃菜、冬菇等等，而且重配搭自家製餃子同稻庭烏冬。