影片
更多
2021-07-30
43 瀏覽
「望一望呢邊，係係⋯⋯ 個頭向左邊少少」男聲繼續講「先生就望住太太下」「Close 啲攬實太太！」卡擦！卡擦！「今日你好靚仔啊！」每個女仔都希望自己有著上婚紗既一日，今日終於都到我啦！感覺開心又緊張！唔知道佢又點識呢？「我既一生幸運就係娶到妳！」聽到真係甜到入心啊！有錢冇錢都冇所謂，最緊要就係以後一齊過既日子。卡擦⋯⋯卡⋯⋯擦唔記得同大家講，我係嘉蔚。今日去左南生圍影pre wedding😚 好快就會同佢-諾言廝守終身。或者咁講，喺呢個最壞既時代遇上最幸福嘅事！「好啦！今日到呢度啦！辛苦晒兩位，返到公司執完晒啲相再叫你哋過嚟攞啦。」攝影師講完之後就執野上車，仲話送我哋出返去元朗。「嘉蔚妳食唔食啲野啊？」「影左成日都未食過飯」諾言咁講。我化晒妝影相點食喎，又怕整污糟件婚紗。今日連水都冇咩飲過！所以我諗都冇諗就走左入間麵檔「就呢度啦，好攰唔想再行啦！」「一杯紅豆冰，十寶麵 水餃麵同埋正雙丸。唔該！仲有多啲蔥！」估唔到佢幾時都記得我要多蔥，仲有我最鐘意既紅豆冰😍但係⋯⋯「叫咁多食唔食得晒架？」佢咁答「見佢貼咁大張相出嚟應該係招牌菜？」「仲有啊，妳食唔晒就等我食晒佢啦！」最初同佢一齊果時明明好
「望一望呢邊，係係⋯⋯ 個頭向左邊少少」男聲繼續講「先生就望住太太下」「Close 啲攬實太太！」
卡擦！卡擦！
「今日你好靚仔啊！」每個女仔都希望自己有著上婚紗既一日，今日終於都到我啦！
感覺開心又緊張！唔知道佢又點識呢？
「我既一生幸運就係娶到妳！」
聽到真係甜到入心啊！有錢冇錢都冇所謂，最緊要就係以後一齊過既日子。
卡擦⋯⋯卡⋯⋯擦
唔記得同大家講，我係嘉蔚。今日去左南生圍影pre wedding😚 好快就會同佢-諾言廝守終身。
或者咁講，喺呢個最壞既時代遇上最幸福嘅事！
「好啦！今日到呢度啦！辛苦晒兩位，返到公司執完晒啲相再叫你哋過嚟攞啦。」攝影師講完之後就執野上車，仲話送我哋出返去元朗。
「嘉蔚妳食唔食啲野啊？」「影左成日都未食過飯」諾言咁講。
我化晒妝影相點食喎，又怕整污糟件婚紗。今日連水都冇咩飲過！
所以我諗都冇諗就走左入間麵檔「就呢度啦，好攰唔想再行啦！」
「一杯紅豆冰，十寶麵 水餃麵同埋正雙丸。唔該！仲有多啲蔥！」
估唔到佢幾時都記得我要多蔥，仲有我最鐘意既紅豆冰😍
但係⋯⋯「叫咁多食唔食得晒架？」
佢咁答「見佢貼咁大張相出嚟應該係招牌菜？」「仲有啊，妳食唔晒就等我食晒佢啦！」
最初同佢一齊果時明明好鬼fit架，而家佢個肚腩就快凸出來！唔哈，冇人可以搶走佢架😈
最估唔到係以為入左間普通麵店，實際完全唔係咁架！
啲牛丸魚蛋全部都係手打，同喺超級市場買既係兩個次元！無論係魚蛋定係牛丸都係爽口彈牙！仲要完全冇雪藏嘅味道！
「真係好好食呀!」諾言話「仲有杯紅豆冰，唔會冰多個奶啲紅豆仲要軟林林甜甜地好入味！」
「試埋個水餃先」「個水餃仲有幾隻蝦㗎！真係落足晒料！」完全唔係一般普通嘅麵檔可以相比！
十寶麵啲牛雜真係超多，同平時追唔同嘅係佢個底唔放蘿蔔！由面到底都係牛雜，好彩佢真係好鍾意食😝 得我一個真係食唔晒！
以為好油嘅魚蛋，完全冇經過油炸！全粒白雪雪，裏邊仲有啲細細粒嘅魚！
今餐真係好有驚喜，兩個人食都係好平！啱晒我哋呢啲就結婚做咗好多錢嘅情侶！
「好滿足啊！食左咁多野！」佢講「你全餐都淨係睇住我，自己食咁少夠唔夠㗎？」
「最大嘅滿足唔係真係同你結婚咩？」「我諗呢個亦都係我呢一生人最大嘅幸福！」「愛你😘我既肥豬仔」
2 瀏覽
0 讚好
0 留言
張貼
