海記合桃坊甜品 (已結業)

同朋友喺旺角食完個 early dinner，時間尚早，去咗搵糖水食～一直有幫襯開海記土瓜灣店，對佢嘅糖水絕對有信心又好睇，又好食～我同朋友都俾呢個紫薯芋圓系列吸引住，大家都點咗紫薯蓉芋圓配西米露！可惜冇得揀熱食...不出所料，個糖水100分，芋圓好QQ，紫薯蓉同椰奶超夾，大家各自散發佢獨特嘅香味，出奇地個糖水唔會好凍（仲要暖暖地嘅添），難怪成間店有一半人都有點呢個紫薯芋圓系列嘅糖水！我已經想再食喇！