英記油渣麵

營業中

休息中

平時想食宵夜，一定會諗起大角咀嘅英記油渣麵！超出名！之前成日食宵夜就係幫襯英記～ 食店嘅環境依家改咗，光線好充足！而且位置都好多～ 唔似以前逼到要坐出去！😊我通常就叫細碗油渣麵，因為一個女仔食唔到太多，然後就會加雞翼，芝士腸，同埋菜！食店嘅雞翼係超似我中學時期食嘅小食部雞翼既味道，所以我必叫！😊 英記嘅菜心好好食👍🏻 佢嘅蠔油唔係好鹹，所以菜心配醬料，啱啱好👍🏻 油渣麵係超好食！佢比烏冬硬少少，但好有口感，好彈牙！最鍾意就係食佢嘅肉，雖然有時肥得滯，但係真係好味，有水準，咁耐以來都咁好食，果然係老字號！👍🏻😊