影片
更多
2021-09-25
1521 瀏覽
捉緊Venchi主題下午茶嘅尾巴，上個星期六同朋友去咗食呢個下午茶。好耐無去食下午茶，今次就狂幫tea set影靚相。The Taste of Allegria 朱古力雪糕下午茶有好多朱古力嘅元素。甜點中特別鐘意Venchi 85%黑朱古力覆盆子撻，覆盆子酸酸地加上85%黑朱古力同埋脆脆撻底好正。香橙朱古力蛋糕好soft唔太甜膩！另外亦唔可以錯過後上嘅scone，有埋朱古力㗎！食時倒埋個朱古力漿就雙重朱古力味，食落都幾鬆軟但會有點乾。鹹點中煙三文魚軟芝士朱古力泡芙超特別，煙三文魚配上朱古力puff毫無違和感呢！其中亮點一定係Venchi雪糕，食到一半侍應會過嚟問你想要咩口味，今次就有4個選擇，朱古力、榛子、開心果及百香果。當然必試開心果味，真係超級濃郁！上面有啲果乾平衡下，不然食到最尾真係會有些微甜膩。飲品可選特飲而我就揀返普通TWG嘅Earl grey tea消消滯。今次用埋Red card仲有8折添！
The Taste of Allegria 朱古力雪糕下午茶有好多朱古力嘅元素。
甜點中特別鐘意Venchi 85%黑朱古力覆盆子撻，覆盆子酸酸地加上85%黑朱古力同埋脆脆撻底好正。
香橙朱古力蛋糕好soft唔太甜膩！
另外亦唔可以錯過後上嘅scone，有埋朱古力㗎！食時倒埋個朱古力漿就雙重朱古力味，食落都幾鬆軟但會有點乾。鹹點中煙三文魚軟芝士朱古力泡芙超特別，煙三文魚配上朱古力puff毫無違和感呢！
其中亮點一定係Venchi雪糕，食到一半侍應會過嚟問你想要咩口味，今次就有4個選擇，朱古力、榛子、開心果及百香果。
當然必試開心果味，真係超級濃郁！上面有啲果乾平衡下，不然食到最尾真係會有些微甜膩。
飲品可選特飲而我就揀返普通TWG嘅Earl grey tea消消滯。今次用埋Red card仲有8折添！
張貼
