巴辣仔烤魚雞煲 (加連威老道) (已結業)

今次黎到尖沙咀呢間巴辣仔烤魚雞煲，一睇就食係黎食烤魚嫁喇，環境都算幾大，有成2層咁高，仲要2層都幾大，打邊爐黎講環境都算唔錯，岩曬一大班朋友黎食住慢慢傾計。叫左黎原條江團魚，都真係幾大條，岩曬share黎食，真係好夠食。值得讚既係佢除左辣味，仲有其他味比d唔食辣既朋友仔試下，我就叫左個蕃茄味，飲落個湯都幾濃味，好足蕃茄味。仲有好多香料，有洋䓤，嚴西之類既，所以都幾唔錯。 除左魚，佢仲送左4款配菜，d配料都幾足，搭埋個魚黎食真係夠曬惹味。另外，叫左個三黃全隻雞，雞夠曬肥味，件件都好厚肉，同埋仲切得好好，唔會有碎骨，食落幾有雞味，唔錯，而且肉質都幾嫩口，同蕃茄湯好襯。最後落埋個公仔麵，沾埋d蕃茄湯底，就真係夠曬滿足。