鄰居 (已結業)

以前行過美居中心，覺得附近環境舊，無乜舖頭。今日適逢經過，已經面目全非，成條街除咗糖水舖，仲開多咗好多唔同類別嘅食肆😋😋今日嚟到呢間「鄰居」，門面好特別，唔睇清楚餐牌以為去咗酒吧，入到去幾個哥哥仔侍應都好好時笑容，望下食乜，唔同類型嘅漢堡仲有得配餐，睇落價錢都好合理。今次專登叫左個雙重芝士牛肉漢堡，跟沙律菜，罐裝汽水，仲有另外再加黑松露醬芝士薯條等左5至10分鐘，食物準備好，先講沙律菜，意想不到會有柚子味，生菜都好新鮮，份量適中，值得一試！漢堡牛肉好厚，比足料，芥茉漿任加，食得出新鮮牛肉，蕃茄生菜配料絕不馬虎！雙重芝士是整個漢堡的精粹，襯托出其他配料的美味，回味無窮😋😋黑松露將芝士薯條，薯條好熱，鍾意食粗生薯條的我喜歡佢嘅質感，俾足芝士醬，味道一流！＄96 就夠兩個人食到咁多樣嘢，而且樣樣鮮，絕對係鍾意食快餐朋友的不二之選！