小黑糖 (宏生大廈)

營業中

休息中

今日喺美麗華做嘢做完嘢之後就經過厚福街有一間小黑糖，咁見到個裝修都唔錯，於是乎就去試一試。店舖內嘅職員全部都係台灣人感覺好地道，選擇唔係太多有廿幾三十款主要都係台式嘅珍珠奶茶，於是問店員最出名係邊一款佢細心逐一介紹，我揀左黑糖珍珠奶茶。大概落咗order之後等咗五分鐘左右就有珍珠奶茶，店員好細心幫你搖勻，飲左一啖之後發現同出面嗰啲珍珠奶茶有啲唔同係因為佢嗰種黑糖味好濃郁，但係又唔甜，感覺好好。另外啲珍珠好煙韌 彈牙qq嘅感覺好好，其實平時我飲珍珠奶茶裏面嘅珍珠我唔會食曬㗎，但係呢一杯叫黑糖我係會食曬啲珍珠因為啲珍珠真係好好味。