達人包車 (已結業)

好耐都未返過鄉下韓國，唯有喺香港搵啲韓國嘢食，解下思鄉之苦先啦！今次又同男朋友嚟咗食呢間叫達人包車嘅韓國餐廳！我哋叫咗個蜜糖炸雞，平時韓國嘅炸雞多數係甜辣口味，我自己反而就唔太中意，因為有醬汁好易膩，乾身炸雞就好食好多，夠曬juicy！芝士排骨既芝士同係韓國當地食既一樣，芝士味唔濃，追求既直係瘋狂拉絲既效果，排骨味道夠濃，就算唔加芝士都已經好味！蛋卷嘅分量出乎意料嘅多，再加埋啲沙律醬同埋茄汁，酸酸甜甜非常開胃！最後仲叫多咗個韓式飯團，今餐食得好滿足！