台灣麵 (已結業)

突然心癮起好想食台灣蚵仔麵線 Search左一陣 俾我地搵到太子有一間新開嘅台灣餐廳！喺始創中心嘅B層 電梯一落就見到啦！餐廳都幾大 lunch time基本上係坐滿 仲要等一陣位～我哋好彩 比人潮早左10分鐘左右坐低餐廳入面嘅小天燈好可愛Lunch set選擇都幾多送嘢飲仲有小食海鮮蚵仔紅麵線 配涼拌腐皮條小食絕對一解我麵線之愁味道同喺台灣食一樣！但係呢度既蚵仔明顯比台灣大粒好多～再配埋鮮蝦、魷魚 更加鮮味紅燒牛肉麵 四舊大大嚿嘅牛展牛腩五香味道超入味！而且仲好林好嫩～ 湯頭濃郁 鹹味適中 再帶點微辣 開胃！滷豬大腸呢個滷水豬大腸真係相當有驚喜豬腸大件又乾淨 絕對冇腥羶味！而且滷得十分入味 上枱嘅時候仲係熱辣辣香芋奶茶、水果茶食台灣野 點少得台式飲品啊！佢嘅招牌水果茶一望就知道好足料！淨係見到個顏色都已經好開心～四五種水果配上紅茶清新解渴！臨走嘅時候見到原來餐廳仲有一邊係茶飲外賣店下次經過唔食嘢 都可以買番杯嘢飲！