金坊泰國美食

營業中

休息中

忽然想食泰國嘢，所以就去咗呢間食午餐。我哋兩個人每人叫咗碗泰式自選湯粉。之前喺荃灣食過呢一間泰國餐廳都覺得幾好食，所以嚟到新都城都想試吓。-扎肉豬頸肉冬陰功金邊粉首先個冬陰功湯底好好飲，酸辣適中。扎肉幾彈口仲有加咗啲黑椒上去，令到個扎肉更加好食。豬頸肉分量多而且好大片，啲豬頸肉好彈口好好食。不過最差就係啲金邊粉，啲金邊粉好似放咗喺度好耐，嚟到嘅時候啲金邊粉仲係一個麵餅，全部都黐埋一齊，仲有就係啲金邊粉都給唔到冬陰公湯嘅味入去，真係好差。 所以呢度扣左好多分。-豬手豬頸肉冬陰功金邊粉豬手嘅肉質好嫩滑唔會好鞋，但就食唔到豬手嘅滷水味。最後都係金邊粉嘅問題真係好難食。