家傳滬曉 (已結業)

小籠包一籠有5隻，塊皮都幾薄，入面啲餡都ok。素菜蒸餃一籠有4隻，味道都唔錯不過係塊餃皮厚咗少少，搞到好似食窩貼咁樣。擔擔麵都幾大碗，個醬都唔錯，幾香花生味。上海排骨麵其實就係炸豬扒麵，個炸豬扒其實無乜豬肉味，不過好彩都唔係好油，d麵都ok，有彈性。甜品叫咗高力豆沙，一碟有4粒，味道麻麻，其實佢一上到枱已經知道伏伏地，因為啲顏色唔係咁ok，好似淺色得滯，食落就知因為落唔夠雞蛋，所以個表皮嘅顏色先至咁淡。