徐記廚房點心 (已結業)

特登去試廿款口味燒賣，適合喜歡新嘢嘅人，最好味係芥末燒賣，本身諗住試伏朱古力花生醬同蘋果芝士，但冇想像中咁伏。全部燒賣都係豬肉加蝦做底，撈埋唔同材料入去做唔同味，味覺視覺體驗。但$220一籠廿粒都唔平，同埋每款得一粒，喜歡燒賣可一試。除左芥末有幾隻味都幾特別，例如特辣，蒜味，粟米同青醬都唔錯，哩幾款嘅味好突出，粟米會juicy, 青醬好似食緊青醬意粉嘅味。今餐再加一兜窩蛋牛飯先飽肚，個飯普普通通唔突出都唔伏，用嚟送燒賣。