野郎Stone Ya Rou Stone

營業中

休息中

早幾日去咗一田入貨，買嘢買到好攰，諗住搵間餐廳坐低食，先至發現原來一田入邊係有好多餐廳有得坐低食。行過一間聞到好香鐵板燒嘅味，我哋二話不說就揀咗佢黎試😍😍😍一睇餐牌，已經比牛舌芯深深吸引左😍然後我哋再叫左一個牛小排！我地唔係食peak hour但都唔算少人，所以等左陣先有得食！應該真係好好食😆😆😆😆一直好期待咁等牛舌芯！黎到一望，嘩，勁大條！岩岩到果時係半生熟，比客人自己選擇燒幾耐就食！😍😍😍牛舌不得了，口感非常爽口！而且佢做得好厚，都唔會太過難咬，食落真係好爽。佢有好多隻醬料可以點，連埋醬料同飯，簡直可以食兩碗飯🤣🤣🤣另外，試左少少老公既牛小排！真係超值既餐廳！個牛好juicy，牛味濃！😍😍😍而且最重要係唔會過韌，即使我燒到全熟。不得不提既係每個餐都同埋一d洋蔥配料一齊，鐘意既可以自己係個鐵板燒上炒幾炒😆撈埋一齊食。絕對要再返黎食牛！！性價比好高，而且比$30就可以任添飯同菜。