影片
更多
2019-01-13
289 瀏覽
今次真係一次好差既體驗，先係入座！Book左6:30，我地6點鐘左右就到左，佢都可以安排我地入座，但就叫左個侍應帶我地出門口，去左轉角既分舖度坐，（但係間舖明明仲有好多位），都唔緊要，入左另一間舖之後竟然帶我地去到最入個雜物房度坐，好焗，一陣味，同樣地出面都係有位🤷🏻♀️，點解要帶我地去最入雜物房度坐？我地當然唔肯啦，咁個侍應就幫我地轉過個位置上菜既時候發現全部都係出面拎入黎，即係代表呢度係冇廚房，所有野食都係係隔離舖整完拎過黎，出面係馬路，人多車多，食物大部份都冇蓋cover住就拎過黎，感覺真係唔太良好！杯沙冰有故事㗎，話說我哋起初叫咗粒粒菠蘿冰，杯菠蘿冰嚟到溶左好多，嗰侍應見到個上面冇菠蘿粒，之後即刻叫人收走換過杯，但係嚟到唔好以為好多菠蘿，得個兩小粒，粒粒芒果冰都係得幾粒好細既芒果係面，同我預期中既粒粒真係相差得遠，唔講粒粒，講味道，味道偏啖，冇乜菠蘿同芒果味，個甜味完全係糖水，幸好佢冇整到太甜，不過我真係情願飲其他野生蝦刺身，味道同其他泰國舖既一樣，冇乜分別，唔係特別鮮甜鳳爪整得都幾入味，偏辣！味道Ok! 鳳爪份量唔太多，配菜好多😂咸魚粒炒椰菜苗，說好的咸魚呢？食左一半先見到d
Book左6:30，我地6點鐘左右就到左，佢都可以安排我地入座，但就叫左個侍應帶我地出門口，去左轉角既分舖度坐，（但係間舖明明仲有好多位），都唔緊要，入左另一間舖之後竟然帶我地去到最入個雜物房度坐，好焗，一陣味，同樣地出面都係有位🤷🏻♀️，點解要帶我地去最入雜物房度坐？我地當然唔肯啦，咁個侍應就幫我地轉過個位置
上菜既時候發現全部都係出面拎入黎，即係代表呢度係冇廚房，所有野食都係係隔離舖整完拎過黎，出面係馬路，人多車多，食物大部份都冇蓋cover住就拎過黎，感覺真係唔太良好！
粒粒菠蘿/芒果沙冰
$28
14 瀏覽
0 讚好
0 留言
杯沙冰有故事㗎，話說我哋起初叫咗粒粒菠蘿冰，杯菠蘿冰嚟到溶左好多，嗰侍應見到個上面冇菠蘿粒，之後即刻叫人收走換過杯，但係嚟到唔好以為好多菠蘿，得個兩小粒，粒粒芒果冰都係得幾粒好細既芒果係面，同我預期中既粒粒真係相差得遠，唔講粒粒，講味道，味道偏啖，冇乜菠蘿同芒果味，個甜味完全係糖水，幸好佢冇整到太甜，不過我真係情願飲其他野
泰式生蝦刺身
$118
13 瀏覽
0 讚好
0 留言
生蝦刺身，味道同其他泰國舖既一樣，冇乜分別，唔係特別鮮甜
泰式酸辣鳳爪
$82
14 瀏覽
0 讚好
0 留言
鳳爪整得都幾入味，偏辣！味道Ok! 鳳爪份量唔太多，配菜好多😂
泰式咸魚炒椰菜苗
$82
11 瀏覽
0 讚好
0 留言
咸魚粒炒椰菜苗，說好的咸魚呢？食左一半先見到d咸魚粒，如果d菜就咁食就冇乜味，加埋d咸魚同埋蒜蓉就好食好多
香葉辣椒雞肉炒河
$78
14 瀏覽
0 讚好
0 留言
炒得冇獲氣，炒得偏濕，冇香葉味，好普通既一碟炒河粉，餸菜好少，d雞肉唔好食，一陣味，真心覺得茶餐廳炒河粉可能仲好食！
秘制老水豬手煲
$148
18 瀏覽
0 讚好
0 留言
滷水豬手炆得好腍，不過就皮還皮，肉還肉，食唔到滷水味，只係覺得食緊一舊好普通嘅豬肉
脆炸芝士蝦丸
$178
17 瀏覽
0 讚好
0 留言
見到其他枱叫芝士蝦丸，望落去大大粒，好似幾好味咁，但只係虛有其表，成粒蝦丸好油，蝦膠冇蝦味，粒丸一d都唔彈牙，芝士偏咸，平時酒樓擺酒果d仲好食😢
泰式蒜蓉包
$30
11 瀏覽
0 讚好
0 留言
呢個蒜蓉包可以話係成餐飯最好食嘅餸菜，法包烘到好脆，牛油味好香，蒜味就少啲
冬蔭公湯
$128
15 瀏覽
0 讚好
0 留言
冬陰公湯入面有兩隻蝦且埋雜菇，個湯除咗冬陰公應該有嘅酸味，我食唔到有其他香料嘅味道，個湯唔算太辣，味道普普通通
泰皇咖哩法包軟殻蟹
$198
12 瀏覽
0 讚好
0 留言
個咖喱包（真係得個包好食）係第二好食嘅嘢，個咖喱汁好有椰香味，個包點埋咖哩汁好好味，但係個包烘得唔夠，有d扣分，另外軟殼蟹係凍嘅，仲好油，浪費左個軟殻蟹
蒜香胡椒炸墨魚咀
$78
17 瀏覽
0 讚好
0 留言
胡椒墨魚咀？完全冇胡椒味，仲要唔熱，只係好微好微既暖，食落唔脆，如果淨係食墨魚咀係完全冇味，淡如水，一定要連埋d炸蒜食先有味，但個炸蒜係做得幾好嘅
由於今日間餐廳個電腦壞咗，上菜係一片混亂，有啲嘢食等左好耐都唔黎，上菜完全冇次序，個侍應（貌似高級少少）佢好努力喺度追單，但係佢全餐飯就聽到佢不停大聲咁講野，好似去咗街市咁，好嘈，令到全家食得好唔舒服，仲要一食完就叫我地埋單，其實本身我地唔需要食咁耐架，係等你d餸咋，唔好覺得我地霸住你張枱！埋單差唔多$1500，每人平均$300，餸菜份量偏少，收得呢個價錢貴左少少！
張貼
