影片
更多
2023-12-16
1171 瀏覽
今日Lunch去金鐘品越，我哋兩個人去到重有一個人嚟緊，跟住攞咗三位飛仔等位，到叫我飛仔時我二人入去比飛仔果位著黑恤衫黑色長褲黑色鞋戴眼鏡扎咗馬尾嘅各位員工，佢問我三位到齊未，我話有一位嚟緊，跟住佢一言不發地走咗去，我同我朋友兩個企喺度等以為佢去執枱俾我哋，但發覺佢唔係安排緊位俾我哋，我就問佢我宜家係入得定係點樣？佢話要人齊先入得，我心諗點解食餐飯可以被人無視成咁，又唔講聲，跟我同佢講其實嚟緊果位朋友都已經知道食乜嘢可以即刻落單，但佢話呢個時段要人齊先入得，我再次同佢講我哋宜家三個人都知道食乜嘢可以落三個Lunch set並要求入座落單，跟住佢話一係我俾兩個座位你先然後等你朋友嚟到再轉，到咗呢一刻我發覺我同佢係溝通唔到，我即刻拉埋我朋友離開，我真係比佢激到一肚火。我明白人齊入座係驚未嚟嘅人唔嚟，但我哋係講到明可以落3個Lunch set都係唔比入，我唔明佢嘅邏輯。其實當佢知道我未齊人果一刻佢當時嘅態度係差到不得了，佢係立即無視我同我朋友嘅存在，過咗三四分鐘後我見唔對路，問佢情況時佢係唔show我㗎，直行直過扮聽唔到，直接無視我嘅存在，我走埋去追問佢幾次佢先肯話我聽未齊人唔入得，我當下真
其實當佢知道我未齊人果一刻佢當時嘅態度係差到不得了，佢係立即無視我同我朋友嘅存在，過咗三四分鐘後我見唔對路，問佢情況時佢係唔show我㗎，直行直過扮聽唔到，直接無視我嘅存在，我走埋去追問佢幾次佢先肯話我聽未齊人唔入得，我當下真係覺得自己被侮辱，點解諗住食餐飯都俾你哋果位員工咁樣對待。另外當時成個過程都係有一張四人枱空住嘅。
張貼