阿爺八鮮鍋 (已結業)

講起食雞煲，朋友介紹咗位於旺角既阿爺八鮮鍋，佢話可以一次過滿足多個願望。本來一心諗住黎食雞煲，黎到後發現原來係海鮮放題，會跟個燉湯、刺身拼盤、雞煲同火鍋，真係不得了。首先嚟咗個燉湯，個湯有個蠟燭坐熱，個味道好清甜，而且仲跟個小食。跟住就嚟咗個花膠年糕雞煲，叫咗小小辣，啲雞都嫩滑，最估唔到花膠、年糕跟埋雞煲醬食個味道會咁夾，啲花膠好入味。之後就上咗個刺身拼盤，碟刺身拼盤比我想像中嘅大好多、好豐富同好浮誇，真係好驚喜，入面有龍蝦、象拔蚌、魚、海膽、蝦，見到都花多眼亂，啲刺身好新鮮，食完真係好滿足。跟住叫職員幫手上埋個火鍋，同時職員拎咗龍蝦、鮑魚同元貝一份比我地打邊爐，另外，仲有張點菜紙黎揀選火鍋配料，由於食完刺身同雞煲都已經飽咗大半，所以最後揀咗啲菜同牛就足夠了。估唔到呢一餐可以食到咁飽同大滿足，以呢個價錢黎講真係好抵食。